Хатын-кыз кайда гына яшәмәсен, нинди генә өлкәдә эшләмәсен аннан һәрвакыт җылылык, наз, нур бөркелеп тора. Бу зур хөрмәткә лаек булган гүзәл затларыбыз бәхете турында без тагын “Хатын-кыз бәхете ”курсларында фикер алыштык. Мөселман яшьләре берлеге моңа кадәр әлеге курсларны Казанда үткәргән иде. Бик зур уңыш һәм актуальлек белән узган вакыйганың нәтиҗәсе тирә-як районнарга да таралыра өлгерде.Бу юлы инде мәркәзебез Казанда түгел, ә аннан ерак булмаган районнарның берсенә, Теләчегә юл тоттык. Кышкы юллар, нәкъ Теләче халкы кебек ак һәм ихлас күңелле. Әлеге курслар 3нче гыйнвардан алып 15 гыйнварга кадәр дәвам итте. Килеп төшү белән безне ачык күңелле кешеләр, зур мәһабәт мәдәният сарае каршы алды. Бу көннәр дәвамында районна яшәгән туташлар ,ханымнар өчен “исламда хатын-кыз”, “Хатын-кыз гаиләдә, ире белән, бала тәрбияләгәндә” кебек темаларга лекцияләр һәм аш-су осталагы, косметология, хна белән бизәнү буенча мастер класслар,сәламәтлек ягыннан табип киңәшләре тыңладылар. Көтелгәнгә караганда халык шактый күп җыелды.
Ике ел элек районга яңа мөхтәсиб Исмәгыйль хәзрәт Фәләхиев кайта, ул кайту белән халык чыннан да җанланып китә. Яшьләр дингә тартыла башлый һәм мәчетләрдә сафларның саны арта. “”Чөнки хәзрәт чыннан да ихлас, гади һәм хәрбер кеше белән үз итеп, дуслар ча сөйләшә дип өстәп куйды” безне мәдәният йорты китапханәсендә каршы алган Резедә апа Дәүлиева. Соңгы йомаклау кичәсендә, Мөселман яшьләре берлеге шулай Теләче халкы өчен кызыклы тамаша, Татарча Квн һәм уеннар тәкъдим итте. Әйтергә кирәк чын күңелдән, халык рәхәтләнеп ял итте, ә соңында мәдәният йортының икенче катында,хаҗәт намазы укып, теләкләр теләгәннән соң яхшы кәеф белән өйләренә таралыштылар.
Кайтып китәр алдыннан берничә кешенең фикере белән кызыксындым, оештырылган курслар район халкына ошадымы микән соң, җитезсез яклары булдымы?:
Мәдәният йорты директоры Әнисә Туктамышева : үзем мәдәният өлкәсендә эшләгәч кайвакыт уйлый идем, ничек шулай була микән соң ул диндә, аек бәйрмәмнәр күңел ачулар. Ә карасаң ислам динендә дә матур ял итеп була икән.Чыннан да бүген халык рухи азык алып кайтып китте,ул аңа бик сусаган иде.
Регина Туктамышева- Казанда Мәрҗәни мәчетендә эшли:
Монда яшәмәгәч, атна уртасында булган лекцияләргә бик килә алмадым, ә менә соңгы килгәне, миңа калса иң кирәклесе иде, чөнки туташларга аш-су серләреннең ишеген ачкан, тәмле Кытай роллыларын ясарга өйрәттеләр. барлык яшьтәге ханымнар һәм туташлар өчен бу курслар бик тә файдалы булды дип уйлыйм.
Балалар йортыннан алы ике баланы тәрбия кылучы Миңниса апа: - И җаным, кирәкле курслар булмаса, ике баламны кочаклап монда килер идеммени, тагын килегез, тагын сөйләгез, ә без рәхәтләнеп тыңларбыз”
Нәтиҗәдә озак сөйләшеп фикер алышып, халык кичке 9 тирәсендә таралышты. Ә без саубуллашып юлга кузгалдык. Күңелдә бары якты хисләр, уйлар, чыннанда нинди ихлас, чиста күңелле, иманлы минем халкым. Нәтиҗәсе чыннан да булыр дип уйлыйм ислам дине белән таныш булмаган кешеләрдә.,ислам турында матур итеп хөрмәт белән сөйләшәләр, ә бу иң мөһиме , димәк алар тәүге адымнарын ясадылар. Дәвамлы булсын иде, Йә, Раббым бары дәвамлы булсын...
