2021 елның 11 сентябрендә Әлмәт мөхтәсибәтендә Ризаэтдин Фәхретдин исемендәге мәчет кубогына мөселманнар арасында мини-футбол буенча Республикакүләм турнир узачак. Әлеге чара Идел буе Болгар дәүләтендә Исламны кабул итүнең 1100-еллыгына багышлана.
Ярышлар Әлмәтнең “Алнас” стадионында узачак. Турнир иртәнге сигездә (08.00) башлана. Ул мини-футбол уенының гамәлдәге кагыйдәләре нигезендә үткәреләчәк. Командада 6 уенчы һәм 1 капкачы булырга тиеш. Матч 10 минутлык 2 таймнан тора. Турнирга бары тик намаз укучылар гына кабул ителә (ул тикшереләчәк), профессиональ спортчылар уеннарга кертелми.
Катнашу өчен гаризалар 4 сентябрьгә кадәр +7 917 247-21-77 телефоны буенча (Рөстәм Сиренович) кабул ителә. Конкурс нигезләмәсе белән түбәндәге кушымтада танышырга мөмкин.
