28 нче августта, шимбә көнне, “Туган авылым” милли комплексы үзенең 16 еллыгы уңаеннан казанлыларны һәм башкала кунакларын бәйрәм чараларына чакыра. Программада – күңел ачу шоу-программасы, балалар һәм өлкәннәр өчен бәйгеләр һәм бүләкләр, осталар ярминкәсе, һөнәрчеләрдән мастер-класслар һ.б.
Оештыручылар сүзләренә караганда, “Туган авылым” милли комплексы үзенең туган көнендә татар халкының милли ризыгы булган бик зур дучмак пешерәчәк һәм, шулай итеп, бик зур дучмак пешергәнлеккә кулинария рекорды куячак. Әлеге дучмактан бәйрәмнең барлык кунаклары да авыз итә алачак.
Бәйрәмнең үтү урыны: “Туган авылым” милли комплексы, Казан шәһәре, Туфан Миңнуллин урамы, 14/56.
Бәйрәм көндезге бердә (13.00) башлана.
Керү ирекле.
