Бүген Казанда XIII “Многоликая Россия” Бөтенроссия журналистлар бәйгесендә җиңүчеләрне бүләкләү тантанасы уза.
“Интернет массакүләм мәгълүмат чараларында материаллар циклы” номинациясендә “Хозур” нәшрият йорты бәйгенең җиңүчесе булды.
“Многоликая Россия” Бөтенроссия журналистлар бәйгесе “Татмедиа” матбугат һәм массакүләм коммуникацияләр буенча республика агентлыгы тарафыннан игълан ителде һәм ул милли традицияләрне һәм гореф-гадәтләрне популярлаштыруга ярдәм итү; Россия Федерациясе территориясендә һәм аннан читтә яшәүче төрле халыкларның мәдәниятенә һәм сәнгатенә кызыксыну формалаштыру; халыкларның традицион мәдәниятенең уникаль кыйммәтләрен саклау; халыклар мәдәниятенә, аларның традицияләренә һәм гореф-гадәтләренә хөрмәт тәрбияләү максатыннан уздырыла. Шунысын да билгеләп үтәргә кирәк, “Многоликая Россия” XIII Бөтенроссия журналистика бәйгесенә 7 номинация буенча Россия Федерациясенең 22 төбәгеннән 754 эш кабул ителде.
