Кышкы каникул көннәрендә Бөгелмә мөхтәсибәте мәктәп балалары өчен “Сәлам” исемле рухи-сәламәтләндерү курслары үткәрергә ниятли. Ел саен үткәрү гадәткә кергән әлеге чара быел Идел буе Болгар дәүләтендә Ислам динен кабул итүнең 1100 еллыгын каршылап үткәрелә. 2022 елның 3-8-нче гыйнвар көннәрендә малайлар һәм кызларны ислам нигезләре буенча дәресләргә, Коръән укырга өйрәнергә, әхлак һәм тәрбия темасына кызыклы лекцияләргә чакыралар. Моннан тыш, оештыручылар балалар өчен мәдәни-күңел ачу программалары, кызыклы шәхесләр белән очрашулар, экскурсияләр әзерли. Курслар тәмамланганда татар теле буенча викторина үткәреләчәк.
Малайлар өчен укулар Бөгелмә шәһәре Үзәк мәчетендә Краснослободская урамы, 68-нче йорт адресы буенча узачак. Белешмәләр өчен телефон: 89397361461 Нурислам хәзрәт.
Кызлар өчен смена Бөгелмә шәһәре “Ирхам” мәчетендә Воровский урамы, 1-нче йорт адресы буенча үтәчәк. Белешмәләр өчен телефон: 89274641300 Мәрьям ханым.
Рухи-сәламәтләндерү курслары иртәнге тугыздан көндезге икегә кадәр эшли (09.00-14.00).
