"Татар-информ" мәгълүмат агентлыгы РФ Мөселман эшмәкәрләре ассоциациясе җитәкчесе Айдар Шаһимәрданов белән әңгәмә бастырды. Ул интервьюда ни өчен петиция белән чыгуы турында аңлатма биреп уза. “Күп кенә зур шәһәрләрдә Җәмигъ мәчет бар. Мондый мәчетләр күпләгән кешеләрне сыйдыра һәм алар намаз укучылар өчен һәрвакыт ачык. Бездә, кызганыч, андый мәчет юк”, – дип билгеләп үтә ул.
Айдар Шаһимәрданов Казан Кремле каршында – Казансу елгасы яры буенда төзү ниятләнгән урынга карата фикерләрен җиткерә, мөселманнарның гыйбадәт йорты янәшәдә яшәүчеләр өчен кыенлыклар тудырмавын ассызыклый. Әңгәмә белән биредә танышырга мөмкин.
