Бүген, Рамазан аеның 7нче көнендә (8нче апрельдә), Татарстан мөфтияте һәм Казан митрополиясе Донецк һәм Лугансктан килүче качаклар өчен гуманитар ярдәм күрсәтә башлады. Нәзарәтнең “Зәкят” хәйрия фонды бүген Казан шәһәренә килгән качакларга 7 тартмага тутырылган шәхси гигиена әйберләре һәм көнкүреш химиясе тапшырды. Хәйрия ярдәме 160 комплект шәхси гигиена әйберләреннән һ.б. гыйбарәт. Аның гомуми массасы 100 килограммнан артып китә.
Качаклар белән Нәзарәтнең “Зәкят” хәйрия фонды җитәкчесе Булат Мәрданов һәм Казан шәһәренең баш мөхтәсибе Рөстәм хәзрәт Вәлиуллин, шулай ук Татарстан митрополиясе сәркатибе иеромонах Кирилл (Корытко) һәм епархиянең социаль бүлеге җитәкчесе иерей Сергий Петров аралашты. Качаклар аларга ярдәмне оештырган өчен рәхмәтләрен белдерделәр.
Качаклар белән очрашуларны дәвам иттерү көтелә, киләсе күрешү 12 апрельгә планлаштырылган. Казан шәһәрендә вакытлыча яшәү урыннарына урнашкан 500гә якын кеше бар.
