26 майда Россия ислам институтында “Хәзерге яшьләр һәм Россия халыкларының рухи кыйммәтләре” дип исемләнгән VII Республикакүләм студентлар фәнни-гамәли конференциясе узачак. Ул Идел буе Болгар дәүләтендә Ислам динен кабул итүнең 1100 еллыгына багышлап үткәрелә.
Фәнни чараны Татарстан Республикасы мөселманнары Диния нәзарәте, Россия ислам институты, Казан ислам университеты оештыра.
Конференциядә Татарстан Республикасы югары уку йортлары, колледжлары һәм мәдрәсәләре студентлары катнаша. Конференция түбәндәге секцияләрдә үтәчәк:
- Россиядә Ислам дин гыйлеме һәм теология: үткәне һәм хәзергесе;
- Туган тел һәм әдәбият;
- Мультиконфессиональ киңлектә чит телләр һәм мәдәниятләр;
- Хәзерге җәмгыятьтә медиа һәм реклама: аны өйрәнү алымнары, үсеше һәм киләчәге.
Конференция нәтиҗәләре буенча иң яхшы мәкаләләрдән торган җыентык басылачак.
