Бүген, зөлкагъдә аеның 15нче көнендә (14нче июньдә), Татарстан мөфтие Камил хәзрәт Сәмигуллин “Кол Шәриф” мәчетендә чираттагы халык кабул итү көнен уздырды.
Ике сәгатьтән артык вакыт дәвамында мөфти белән шәхсән очрашуга төрле яшьтәге, төрле һөнәр кешеләре килде. Алар арасында язучы-журналист, эшмәкәрләр, җәмәгать эшлеклеләре, гап-гади мәхәллә кешеләре бар иде. Очрашуда катнашучылар Камил хәзрәткә шәхси үтенеч-гозерләрен ирештерде, мөселман инфраструктурасы үсеше, төрле проект оештыру, шул исәптән каллиграфия күргәзмәләре буенча сөйләшү узды. Һәрбер сорау һәм тәкъдимнәр җентекләп өйрәнү өчен Нәзарәт һәм аның карамагында эшләүче оешмаларның җаваплы вәкилләренә тапшырылды.
Мөфтинең халык белән очрашулары атна саен оештырыла. Язылу өчен телефон: +7 (843) 237-94-53.
