Бүген, Зөлхиҗҗә аеның 12нче көнендә (11нче июльдә), Нәзарәтнең “Зәкят” фонды Корбан бәйрәменә багышланган хәйрия чарасы үткәрде. Уңайлы кафега авыр тормыш хәлендә калган күп балалы гаиләләр һәм үзенчәлекле балалар тәрбияләүчеләр – барлыгы 20 кеше җыелды.
Әлеге чара “Корбан” темасына вәгазь белән башланды, аннары викторина һәм төшке аш узды, балалар шулай ук уен бүлмәсендә шөгыльләнделәр.
Корбан ашы бик күңелле һәм истә калырлык итеп үтте. Ул күпләгән хис-кичерешләргә бай булды.
Хәйрия чарасыннан соң корбан итләре таратылды.
Аллаһы Тәгалә изге гамәл-ниятләрне кабул кылса иде.
