Бүген, Раҗәб аеның 9нчы көнендә (31нче гыйнварда), Нәзарәттә Татарстан мөфтие Камил хәзрәт Сәмигуллин халыкны кабул итте.
Ике сәгать дәвамында мөфти дин кардәшләребез белән аралашты, алар аңа үзләренең теләк-тәкъдимнәре һәм шәхси гозер-үтенечләре белән килде. Очрашу барышында сүз “Мөхәммәдия” мәдрәсәсендә булдырырга ниятләнгән музей проекты, мобилизацияләнгән мөселман солдатларына ярдәм оештыру, 2023нче елның хаҗына әзерлек һ.б. хакында барды. Камил хәзрәткә шулай ук күпләгән дини характердагы сораулар белән кызыксынып мөрәҗәгать итүчеләр булды.
Мөфти белән очрашуга теләгән һәр кеше язылып килә ала. Моның өчен +7 (843) 237-94-53 телефонына шалтыратырга кирәк.
