2023 елның 9 февралендә Казанда “Ярдәм–Помощь” гомуммилли хәйрия фондында Гражданнар җәмгыятен үстерүгә юнәлтелгән Президент грантлары фондының “Гражданнарга социаль хезмәт, социаль ярдәм күрсәтү һәм яклау” юнәлеше буенча 2023 елда оештырылган беренче бәйгесендә җиңгән “Йөрәк белән күрәбез һәм ишетәбез” проектын тормышка ашыруга багышланган матбугат очрашуы уза.
Проектның максаты – күзләре күрмәгән һәм начар күргән кешеләргә тормышта үз урыннарын табарга ярдәм итү: курсларда аларга көнкүрештә кирәк булган күнекмәләрне һәм белем бирү, психологик һәм физик яктан тернәкләндерү.
Матбугат очрашуы 15:30 да Фондның китапханәсендә Казан, Серов ур., 4а йорты адресы буенча уза.
Очрашуның спикерлары:
– «Ярдәм–Помощь» гомуммилли хәйрия фонды вице-президенты, Тернәкләндерү үзәге директоры, Казан шәһәр Думасы депутаты Мәликә Гыйльметдинова
– «Ярдәм–Помощь» гомуммилли хәйрия фонды президенты Илһам Исмәгыйлев
– «Ярдәм–Помощь» гомуммилли хәйрия фонды белгече Алсу Миңнуллина
– Тернәкләнүче Рамил Асылбаев, Башкортостан.
–Тернәкләнүче Светлана Гамбарян, Ставрополье.
Алар проектның тарихы, тормышка ашыру үзенчәлекләре һәм нәтиҗәләре турында сөйләячәк, массакүләм мәгълүмат чаралары вәкилләренең сорауларына җавап бирәчәк. Шулай ук уку сыйныфларына экскурсия оештырылачак, күзе күрмәүче тернәкләнүчеләр һәм укытучылар белән аралашырга мөмкинлек булачак.
Матбугат очрашуы буенча өстәмә сораулар һәм аккредитация буенча +7(937)5292659 телефонына шылтыратыгыз.
