Бүген, шәгъбан аеның 23 нче көнендә (15 мартта), Казанда Татарстан Республикасы Рәисе Рөстәм Миңнеханов белән XI Бөтенроссия татар авыллары эшмәкәрләре җыенының пленар утырышы узды. Әлеге чарада Татарстан мөфтие Камил хәзрәт Сәмигуллин да катнашты.
Җыен кысаларында Россия Федерациясе төбәкләрендә җитештерелгән продукция һәм халык кәсебе товарлары күргәзмә-ярминкәсе оештырылды.
XI Бөтенроссия татар авыллары эшмәкәрләре җыены Казанда 13-15 март көннәрендә уза. Быел җыенга Россия Федерациясенең 40 тан артык төбәгеннән һәм Татарстаннан 500дән артык кече бизнес вәкилләре һәм фермер хуҗалыклары җитәкчеләре җыелды.
Фотосурәт - https://tatar-congress.org/ сайтыннан.
