2023 нче елның 11 апрелендә 13:00 сәгатьтә “Татмедиа” бинасында XI Республикакүләм ифтарга әзерлек һәм аны уздыру мәсьәләләре буенча матбугат конференциясе узачак.
Журналистлар белән очрашуда Татарстан мөфтие Камил хәзрәт Сәмигуллин, “Ак Барс Арена” стадионы генераль директоры Радик Миңнәхмәтов, “Туган авылым” милли-туристик комплексы җитәкчеләренең берсе Радик Абдрахманов, “Казан Экспо” халыкара күргәзмә үзәге генераль директорының беренче урынбасары Игорь Астафьев катнашачак. Спикерлар ифтарның үзенчәлекләре, авыз ачу мәҗлесенә керү тәртибе, аның программасы һ.б. турындагы сорауларга җавап бирәчәк.
Республикакүләм ифтар Рамазан аеның 24 нче көнендә, ягъни 15 апрельдә үткәреләчәк. Чара Татарстан мөселманнары Диния нәзарәте, “Ак Барс Арена” стадионы дирекциясе һәм “Туган авылым” милли-туристик комплексы тарафыннан “Казан Экспо” халыкара күргәзмәләр үзәгендә оештырыла. XI республикакүләм ифтар 11 мең кешене кабул итәчәк.
Брифингта катнашырга теләгән хәбәрчеләрнең 2023 елның 10 апреленә кадәр, кичке сәгать биштән дә (17:00) калмыйча, Rimma.Gatina@tatar.ru адресына түбәндәге мәгълүматны җибәрүләре сорала:
• Журналист, оператор һәм фотокорреспондентның исеме, фамилиясе, атасының исеме
• ММЧ исеме
Очрашуны уздыру урыны: “Татмедиа” бинасы, конференц-зал
Үткәрелү көне: 11 нче апрель
Үткәрелү вакыты: 13:00
Адресы: Декабристлар ур., 2.
