Рамазан аеның 28 нче көнендә (19 апрель) Татарстан мөфтие Камил хәзрәт Сәмигуллин үзенең беренче урынбасары Илфар хәзрәт Хәсәнов белән бергә Мәскәүдә Рамазан чатырында Татарстан Республикасы кичәсен ачу тантанасында катнашты. Татарстан Республикасы Рәисе Рөстәм Миңнеханов чатырда ифтарның мактаулы кунагы булды. Аларны чатырда мөфти, Россия Федерациясе мөселманнары Диния нәзарәте рәисе Равил хәзрәт Гайнетдин каршы алды.
Чатырда шулай ук чит ил дипломатия миссияләре вәкилләре, Ислам илләреннән һәм Россиянең мөселман төбәкләреннән илчеләр һәм дин әһелләре кунак булды. Рөстәм Миңнеханов ифтарга җыелганнарны сәламләде һәм сәламәтлек теләде, шулай ук Татарстанга килергә чакырды.
