Басмабызның әлеге саны һиҗри ел исәбе буенча башлана торган мөхәррам ае, аның фазыйләтләре, Гашурә көненең өстенлекләре хакында бәян итүгә һәм сөекле Расүлебез ﷺ мәүлиденә багышлана.
Альманахыбызда гыйлем алуның, гошер садакасы бирүнең әһәмиятен ассызыклаган вәгазьләр урын алган. Шулай ук биредә олуг пәйгамбәр Ибраһим галәйһиссәлам мисалында тәвәккәл итүнең күркәм үрнәген күрәбез. Ә сыер кыйссасына багышланган вәгазьдә һәр заманда адәм баласының кирелек һәм хөсетлек кебек сыйфатлар белән яшәве һәм шул рәвешле тормышын катлауландыруы искә алына.
Шураның һәрбер вәгазе бүгенге көндәге актуаль булган проблемаларны яктыртып, аларның чыгу юлын табарга тырышып әзерләнгән. Бу үгет-нәсыйхәтләр, киңәшләр кардәшләребез өчен файдалы булыр, дигән теләктә калабыз.
Альманахны биредә йөкләп алырга мөмкин.
