2023нче елның 23нче сентябрендә Әлмәт мөхтәсибәтендә Ризаэтдин Фәхретдин исемендәге мәчет кубогына мөселманнар арасында футбол буенча Республикакүләм турнир узачак. Әлеге чара мәчеткә йөрүчеләр арасында сәламәт яшәү рәвешен популярлаштыру, яшьләр арасында дустанә мөнәсәбәтләрне ныгыту, террорчылык һәм экстремизмны кисәтү максатыннан оештырыла.
Ярышлар Әлмәт шәһәренең “Алнас” стадионында үткәреләчәк. Турнир тантаналы рәвештә иртәнге сигездә (08.00) ачылачак. Ул футбол уенының гамәлдәге кагыйдәләре нигезендә алып барылачак. Командада 6 уенчы һәм 1 капкачы булырга тиеш. Матч 10 минутлык 2 таймнан тора. Финал уеннары 12 минутлык 2 таймнан гыйбарәт. Катнашучыларның киенү рәвеше шәригать кануннарына туры килергә тиеш. Призлы урыннар яулаган командаларга медальләр, кубоклар, дипломнар, бүләкләр тапшырылачак.
Футбол турниры буенча сорауларны 8 917 900 51 11 (Айвар Билалов) телефоны буенча бирергә мөмкин.
Нигезләмә 
