Россия ислам институты каршындагы дини оешмалар хезмәткәрләренең һәм уку йортлары мөгаллимнәренең квалификациясен күтәрү үзәге ислам тарихын һәм мәдәниятен тирәнтен белгән белгечләрне әзерләү программасын гамәлгә ашыру кысаларында дин әһелләре һәм дини белем бирү оешмалары мөгаллимнәре өчен аларның һөнәри компетенцияләрен камилләштерүгә юнәлдерелгән “Россия Ислам дин гыйлеменең мәгариф, мәгърифәт һәм яшьләрне тәрбияләү өчен актуаль идеяләре” программасы буенча курслар үткәрә.
2023нче елның 25-30нчы сентябрендә югарыда күрсәтелгән курслар кысаларында Россиянең һәм чит илләрнең әйдәп баручы белгечләре катнашында “Дини радикализмны профилактикалау: теория һәм практика” (36 аудитор сәгать күләмендә) модуле узачак.
Дәресләр Казан шәһәре, Газовая урамы, 19нчы йорт адресы буенча офлайн формада, шулай ук ZOОM платформасы ярдәмендә дистанцион рәвештә узачак. Модуль тәмамлангач, тыңлаучыларга квалификация күтәрү курсларын узу турында таныклык тапшырылачак.
Тулырак биредә.
