Бүген, Рабигыль-әүвәл аеның 20нче көнендә (5нче октябрьдә), Казанның “Миргазиян” мәчетендә ястү намазыннан соң ир-атлар өчен Мәүлид кичәсе узачак. Программада – Коръән, Пәйгамбәребез Мөхәммәд ﷺ турында вәгазь, касыйдәләр, шигырьләр уку. Катнашучылар игътибарына танылган башкаручы Динар Шәймәрданов татар телендә мөнәҗәтләр җиткерәчәк. Мәүлид кичәсенә танылган хәзрәтләр, мәчеттә белем алган шәкертләр, мәхәллә халкы, җәмәгать эшлеклеләре катнашачак. Соңыннан – аш мәҗлесе һәм китаплар бүләк итү.
Рабигыль-әүвәл ае дәвамында “Миргазиян” мәчетендә аксакаллар, хатын-кызлар, балалар өчен махсус Мәүлид кичәләре үткәрелде. Пәйгамбәребез Мөхәммәдкә ﷺ багышланган буклет чыгарылды, викторинада катнашкан балаларга бүләкләр тапшырылды.
