Нәзарәтнең “Хозур” нәшрият йорты “Шура” альманахының 42нче санын нәшер итте.
Биредә күрше милләт вәкилләре белән тату яшәү, авырлыклар, авырулар вакытында сабырлык, вакытның кадере хакында вәгазьләр урын алды. Алар рия, сихер куллану һәм тапланган йөрәк ни белән куркыныч икәнен ачып бирә.
Ата-ана хакы, Аллаһы Тәгаләнең «Әр-Раззак» исеме темаларын үз эченә алган, 2023нче елның IV кварталын колачлаган альманах шулай ук тәвәссүл һәм тәбәррукның нәрсә икәнен, мөселман кешесенең киеме нинди булырга тиешлеген аңлата.
Һәр вәгазь, бүгенге көннең актуаль проблемаларын яктыртып, чыгу юлларын табарга тырышып әзерләнгән. Бу үгет-нәсыйхәтләр, киңәшләр кардәшләребез өчен файдалы булыр.
Альманахны биредә йөкләп алырга мөмкин.
