2023нче елның 7нче декабрендә Республика балалар клиник хастаханәсендә медицина учреждениесе җитәкчелеге РФ Мөселман эшмәкәрләре ассоциациясе Хәйрия фонды һәм РФ Мөселман эшмәкәрләре ассоциациясенең Медицина департаменты вәкилләре белән очрашачак.
Әлеге чара барышында Республика балалар клиник хастаханәсе баш табибы, Татарстан Республикасы Дәүләт Советы депутаты Айрат Зиатдинов мөселман эшмәкәрләре белән аралашачак, ә аннары бергәләп “Әбүгалисина” мәчете төзелеше барышын караячак. Мәчет 2023нче елның июнендә ТР Рәисе Рөстәм Миңнеханов ярдәмендә РФ Мөселман эшмәкәрләре ассоциациясе Хәйрия фонды тырышлыгы белән төзелә башлады.
Очрашуда катнашу өчен РФ Мөселман эшмәкәрләре ассоциациясе әгъзалары һәм партнерлары, шулай ук мәчет төзелешендә мәгълүмати һәм матди ярдәм күрсәтергә теләүчеләр чакырыла. Очрашу 10:00 сәгатьтә башланачак.
