Бүген, җөмәдәл әүвәл аеның 28 нче көнендә (12 декабрь), Татарстан Мөфтие Камил хәзрәт Сәмигуллин һәм аның беренче урынбасары Илфар хәзрәт Хәсәнов - эш сәфәре белән Мәскәүдә. Алар «Рухи-әхлакый кыйммәтләрне саклауда һәм тынычлыкны һәм иминлекне ныгытуда дини лидерларның роле» дигән XIX Халыкара мөселман форумында һәм аның кысаларында узучы «XX Фәезханов укулары» конференциясендә катнаша. Чаралар Россия Федерациясендә Педагог һәм остаз елына, шулай ук күренекле Россия мөселман теологы, Көнчыгышны өйрәнүче Хөсәен Фәезхановның (1823-1866) тууына 200 ел тулуны бәйрәм итүгә багышланган.
Пленар утырыш Мәскәү Җәмигъ мәчетенең төп намаз залында уза. XIX Халыкара мөселман форумына Мәскәүдә Азербәйҗан, Алжир, Мисыр, Италия, Гыйрак, Иран, Казахстан, Катар, Кыргызстан, Берләшкән Гарәп Әмирлекләре, Фәләстыйн, Сүрия, Тунис, Төркия, Үзбәкстан һәм башка илләрнең мөселман дини лидерларын, мөфтиләрен һәм теологларын җыйды. Форум дини лидерларга гуманизм һәм җәмгыятьтәге рухи-әхлакый кыйммәтләрне яклап чыгыш ясар өчен мәйданчык бирә.
Бүген шулай ук Мәскәү Җәмигъ мәчетенең конференц-залында XX Фәезханов укуларының пленар утырышы узачак.
