Бүген, җөмәдәл-ахыр аеның 6нчы көнендә (19нчы декабрьдә), Казанда “Татарстан Республикасы Муниципаль берәмлекләре советы” ассоциациясенең XVIII съезды узды. Съезд Татарстан Республикасы Рәисе Рөстәм Миңнеханов рәислегендә үтте. Әлеге чарага барлык 956 муниципаль республика берәмлекләреннән вәкилләр, шулай ук Лисичанск һәм Рубежное шәһәрләре башлыклары килде.
Утырышта шулай ук ТР Дәүләт Киңәшчесе Минтимер Шәймиев, ТР Премьер-министры Алексей Песошин, ТР Дәүләт Советы рәисе Фәрит Мөхәммәтшин, ТР Хөкүмәте әгъзалары, депутатлар, муниципаль район башлыклары, төрле дәрәҗәдәге җитәкчеләр катнашты. Конгресста катнашучылар арасында Татарстан мөселманнары башлыгы, мөфти Камил хәзрәт Сәмигуллин да бар иде.
Утырышта муниципаль берәмлекләрнең узып баручы елдагы эшчәнлек нәтиҗәләре, шулай ук Татарстанда җирле үзидарәне үстерүнең мөһим мәсьәләләре турында докладлар белән чыгыш ясадылар.
Фото: ТР Рәисе матбугат хезмәте.
