2024 елның 1февралендә “Татмедиа” бинасында “Татарстанда җәмәгать урыннары арасында иң матур бизәлештә ярышу буенча “Нурлы Рамазан” бәйгесен үткәрү турында” матбугат конференциясе узачак.
Журналистлар белән очрашуда Татарстан Мөфтиенең мөхтәсибәтләр белән эшләү буенча урынбасары Равил хәзрәт Зөфәров, Нәзарәтнең социаль үсеш бүлеге җитәкчесе Айгөл Биктимирова, Кукмара районының Туембаш авылыннан бәйгедә узган ел җиңү яулаган Миләүшә Сәетова катнашачак.
Кунаклар чираттагы бәйге, аерым алганда, проектның максатлары һәм бурычлары турындагы сорауларга җавап бирәчәк, шулай ук узган елгы бәйгенең кызыклы проектлары һ.б. турында сөйләячәк.
Матбугат конференциясендә катнашырга теләүчеләрнең 2024 елның 31 гыйнварында кичке сәгать бишкә кадәр (17:00) +7 927 460 30 78 (ватсап) телефон номеры аша шушы мәгълүматны җибәреп, теркәлүен сорыйбыз:
• журналист, оператор яки фотокорреспондентның исем-фамилиясе һәм әтисенең исеме
• матбугат чарасы исеме
Үткәрү урыны: “Татмедиа” бинасы, конференц-зал
Үткәрү көне: 1 февраль
Үткәрү вакыты: 11:00
Адрес: Декабристлар ур., 2.
