Рамазанга яңа келәм

Кайбыч мөхтәсибәте Олы Кайбыч авылы үзәк мәчетенә яңа келәм алынды. Район мөхтәсибәте келәмне алырга өлеш керткән барлык мәхәллә халкына, Кайбыч районы администрациясе хезмәткәрләренә, эшмәкәрләр Халитов Зөлфәт Җәгфәр улына, Ярхамов Рәшит Фәсхетдин улына һәм Җихангараев Искәндәр Рөстәм улына олы рәхмәтләрен белдерә. Аллаһы Тәгалә шушы изге айда кылган игелекләренең әҗерен күреп ике дөнья бәхетенә ирешергә насыйп әйләсен дип тели.