Бөгелмә шәһәренең Үзәк мәчетендә дүрт яшьтән алып алты яшькәчә балалар өчен “Тәрбия” иртә үсеш төркеме эшли.
Балалар намаз уку серләренә төшенәләр, Кәламе шәриф сүрәләрен Коръән-хафиз өйрәтә.
Сабыйлар белән шулай ук гарәп һәм инглиз теле мөгаллимнәре дә шөгыльләнә.
Балаларга дөрес сөйләм, танып белү, татар теле, рәсем ясау, әвәләп ясау дәресләре керә, кәгазь кисеп әйберләр ясарга өйрәтәләр. Укучылар бик теләп “Тәрбия” иртә үсеш төркеменә йөриләр. Алар белән яхшы, ярдәмчел, һәрбер балага игътибарлы тәрбиячеләр шөгыльләнә.
