17 ноябрьдә Татарстан мөселманнары Диния нәзарәтенең “Зәкят” хәйрия фонды җитәкчесе Ирек хәзрәт Җиһаншин Буа районына эшлекле сәфәр кылды. Ирек хәзрәт “Госман” мәчетендә җомга намазына кадәр халыкка зәкят, гошер турында вәгазь-нәсыйхәтләрен җиткерде, фонд алып барган эшчәнлек белән кыскача таныштырды. “Госман” мәчетендә җомга намазы укытты, намаз ахырында халык биргән кайбер сорауларга җавап бирде. Очрашу мул әзерләнгән табын артында дәвам итте.
