Ноябрь аеның соңгы якшәмбесе ел саен илебездә Әниләр көне буларак билгеләп үтелә. Быел ул 26 нчы ноябрьгә туры килә. Шул уңайдан, Олы Кайбыч авылы урта мәктәбендә II-VIII сыйныф балалары өчен Әниләр бәйрәме алдыннан Кайбыч районы мөхтәсибе Дамир хәзрәт Гыйниятуллин класс сәгатьләрендә катнашты.
Әлеге очрашуда Дамир хәзрәт балаларга әниләрнең җир йөзендә иң хөрмәтле зат икәнлеге турында сөйләде. Әниләрне ярату, хөрмәт итү һәм куандыру кешеләрнең иң изге бурычы икәнлеген аңлатты. “Әниләребезне яхшы гамәлләр, матур сүзләр белән генә түгел, ә яхшы укып, тәртипле бала булып та куандырыйк, аларны борчуга салмыйк”, – дип җиткерде балаларга район имам-мөхтәсибе.
