3 декабрь көнне Буа мәдрәсәсендә Мәүлид бәйрәме узды. Мәдрәсәне хөрмәт итеп бик күп буалылар килде. Мәҗлес Пәйгамбәребез Мөхәммәд салләллаһу галәйһи вә сәлләм турында кыскача видеоролик белән башланып китте. Коръән укыганнан соң, котлау өчен сүзне мәдрәсә мөдире Илмир хәзрәт Хәсәнов алды. Ул Мәүлед бәйрәме белән котлап, үзенең теләкләрен җиткерде.
Буа мәдрәсәсенең мөдир урынбасары Мөслим хәзрәт Кәримов Пәйгамбәребез Мөхәммәд салләллаһу галәйһи вә сәлләм тормышыннан Коръәннән аятьләр китереп чыгыш ясады.
Бәйрәмдә мәдрәсә шәкертләре, мәктәптән соң йөри торган кызлар төркеме шигырьләр сөйләп, мөнәҗәтләр әйттеләр. Мөгаллимнәр үзләренең Мәүлидкә багышланган теләкләрен җиткерделәр, халыкка Пәйгамбәребез Мөхәммәд салләллаһу галәйһи вә сәлләмнең тормыш юлын тасвирладылар.
Кунакларга Пәйгамбәребез Мөхәммәд салләллаһу галәйһи вә сәлләм турында кыскача видео күрсәтелгәч, мәҗлес мул табын артында дәвам итте.
