3 декабрь көнне Буа мөхтәсибәтенең яшьләр бүлеге белән берлектә Буа мәдрәсәсендә “Яшь вәгәзьче” исеме астында бәйге узды. Бәйгедә имам-мөхтәсиб Илмир хәзрәт Хәсәнов, мөхтәсибәттә яшьләр бүлеген җитәкләгән Илнур хәзрәт Сафиуллин, мәчетләр каршында укыту бүлеген җитәкләгән Фәнис хәзрәт Гайнуллин һәм яшь шәкертләр катнашты.
Бәйгедә Буа мәчетләре һәм авыллардан үзләренең эчтәлекле вәгазьләре белән әзерләнеп килгән шәкертләр жюри каршында хисап тотты.
Малайлар:
1 урында – Алиуллов Илсур – Буа мәдрәсәсе;
2 урында – Исхаков Раил – “Госман” мәчете;
3 урында – Мөдәрисов Дияс – Кырык-Садак авылы.
Кызлар:
1 урын – Мифтахетдинова Ләйлә – Яңа Тинчәле авылы;
2 урын – Насретдинова Адилә – Яңа Тинчәле авылы.
Катнашучылар Буа мөхтәсибәте тарафыннан дипломнар һәм истәлекле бүләкләр белән бүләкләнделәр.
Җиңүче республикабыз башкаласы Казан каласында үтүче финал ярышына юллана.
