Буа мөхтәсибәте вәкилләре районыбызның Норлат авылында яшәүче Каюмов Данис исемле гарип бала турында ишеткәч, битараф калмады. Имамнар җыелышында Буа мәчете һәм авыл имамнары, авыру баланың хәленә кереп, аңарга ярдәм итәргә ашыктылар. Шунда ук кем күпме акчалата ярдәм итә алды, шуның кадәр бирде. Барлыгы 32700 сум җыелды. Бу матди ярдәмне мөхтәсибебез икенче көнне үк гаиләсенә тапшырды. Данискә озакламый Курган өлкәсендә операция ясау каралган. Аллаһы Тәгалә гаиләсенә сабырлык, Данискә файдасын бирсен. Амин.
