Бүген Әтнә районы Түбән Бәрәскә авылында татар халкының күркәм гореф-гадәтләрен истә тотып Мәүлид ашы үткәрелде.
Әлеге авыл шунысы белән үзенчәлекле - биредә авыл өчен шактый зур, матур итеп эшләнгән хәләл кафе эшләп килә. Башта кафеда җомгага йөрүче ирләргә, аннары мәчеттә шул җирлектә яшәгән кешеләргә Казан шәһәренең Вахитов һәм Идел буе районнары имам-мөхтәсибе Йосыф хәзрәт Дәүләтшин вәгазь сөйләде. Аннары сый-нигъмәтләр тулы табында Коръән ашы узды.
Мәүлид бәйрәмен үткәрү өчен Әтнә районы имам-мөхтәсибе Наил хәзрәт Сәгъдиев, Түбән Бәрәскә авылы имамы Әдһәм Хөсәенов шул авылның күмәк хуҗалык җитәкчесе белән берлектә зур көч куйдылар.
