Мәүлид – мөселман дөньясында мөһим бәйрәм, аны зур шәһәрләрдә дә, кечкенә авылларда да үткәрәләр.
Мисал өчен, күптән түгел Чистай районының Иске Ромашкино, Мөслим, Татар Сарсазы, Нарат Елга, Каргалы авылларында пәйгамбәребез Мөхәммәд салләллаһу галәйһи вә сәлләмнең туган көне уңаеннан бәйрәм оештырылды. Анда кунаклар сыйфатында Чистай шәһәре имам-хатыйблары катнашты.
Авыл мәчетләрендә укучылар яхшылап әзерләнделәр һәм алган белемнәрен күрсәттеләр. Алар Коръән сүрәләрен укыдылар, пәйгамбәребез Мөхәммәд салләллаһу галәйһи вә сәлләмгә салаватлар әйттеләр. Шулай ук бәйрәм ашы оештырылды.
