Гыйнвар аенда Буа шәһәренең иске зиратында Фәһим хәзрәт Сөләйманов тырышлыгы белән зур эшләр башланып китте.
Җәй көне техника ярдәмендә бик күп агачларның тамырларлары чыгарылган иде. Ә хәзер мөэмин-мөселман кардәшләребез белән шул чүп-чарларны чыгару оештырылды. Район хакимияте тарафыннан бик зур ярдәм күрсәтелә. Аеруча район башлыгы Марат Азат улы Җаббаров, Ранис Рафис улы Камәретдинов, Айрат Илдар улы Хәбибрахманов, Айрат Ясәви улы Яфизов үзләренең зур тырышлыкларын күрсәтәләр. Аларның соравы буенча шәһәребезнең төрле оешмалары кирәкле техника белән ярдәм итәләр. Гыйнвар ахырында зираттан чүп-чарларны чыгарып бетерү күзаллана.
