6 июнь көнне Буа районы Бикмураз авылы мәчетендә зур тантана булып үтте. Ул авыл мәхәлләсенә 25 ел тулуга багышланган иде.
Килгән кунаклар арасында Буа районы имам-мөхтәсибе Илмир хәзрәт Хәсәнов, Төркия мәмләкәтеннән килгән Мәсгут әфәнде, Бикмураз авылы жирле үзидәрәсе Галиуллин Илдус Исмәгыйль улы һәм ерак араларны якын итеп кайтучы авыл халкы катнашты.
Мәҗлесне хәзерге авыл имамы Әсадуллин Илдус хәзрәт башлап җибәрде. Ул кыскача мәчет тарихын сөйләп үтте, ахыргы елларда эшләнгән эшләр белән тыныштырды. Имам-мөхтәсиб исә үзенең чыгышында авыл халкына мөрәҗәгать итеп, авылның төп нигезләрен онытмаска, авылга кайткалап искә төшереп торырга һәм мәчеткә дә хәлдән килгәнчә булышып торырга киңәш итте. Буа мөхтәсибәте исеменнән Илмир хәзрәт мәчеткә бүләк тапшырды.
Шулай ук Илдус хәзрәт авылда мәчет эшләп килгән дәвердән алып, хәзерге көнгәчә, мәчеткә ярдәм итүчеләргә мәчет исеменнән рәхмәт хатлары тапшырды.
Халык мәчет янындагы шатерда әзерләнгән мул ифтар табыны артында сыйланып утырды, Бикмураз авылы мәчетендә тарихында беренче тапкыр Төркия мәмләкәтеннән килгән Мәсгут әфәнде тәравих намазын укып, догалар кылып тәмамланды.
