Буа мәдрәсәсендә кичке бүлектә укулар башлану уңаеннан зур тантана булып узды, Һади Атласиның тормыш юлына һәм педагогик эшчәнлегенә багышланан чара үткәрелде.
Бу чарада Чүпрәле мөхтәсибәтеннән килгән кунаклар, Буа мәдрәсәсе мөдире Илмир хәзрәт Хәсәнов, мәдрәсә мөгаллимнәре, көндезге һәм кичке бүлек шәкертләре катнашты.
Беренчеләрдән булып Илмир хәзрәт тәбрик сүзләрен шәкертләргә җиткерде, мәдрәсә эшчәнлеге белән таныштырып үтте.
Чүпләре имам-мөхтәсибе Рөстәм хәзрәт үзенең чыгышында гыйлемгә омтылырга, Буа белән Чүпләре араларын тагын да ныгытып яшәргә диеп, үзенең тәбрикләвен җиткерде. Габдеррауф хәзрәт мәҗлесне мөгәлимнәргә тәбрик сүзләре биреп алып барды.
Бәйрәмнең икенче өлешендә мәдрәсә мөдиренең беренче урынбасары Мөслим хәзрәт кунакларны һәм шәкертләрне Һади Атласиның тормыш юлы һәм педагогик эшчәнлеге белән таныштырды, шәхес турында видео язма күрсәтелде. Габдеррауф хәзрәт Һади Атласиның җәмәгать эшлеклесе һәм тарихчы-галим, мәгърифәтче икәнлеген азсызыклап үтте.
Мәҗлес ахырында мәдрәсә мөдире Илмир хәзрәт быелгы уку елы хәерлесе белән башланып китсен диеп дога кылды.
Шәкертләр уңай тәэсирләр белән сыйныфларына таралды.
