26 ноябрь көнне Чистай районы Каргалы авылы мәчетендә Мәүлид кичәсе уздырылды. Әлеге кичәнең программасын Чистайдан килеп укытып йөрүче Рәйсә апа җитәкләгән балалар һәм хатын-кызлар төркемнәре әзерләде. Кичәдә шулай ук Чистайдан аксакаллар төркеме дә катнашты.
Мәчет каршында укуны октябрь аеннан гына башласалар да, хатын-кызлар һәм балалар күп нәрсәгә өйрәнгән булып чыктылыр.
Мәүлид кичәсендә бик матур вәгазьләр сөйләнде, салаватлар укылды, догалар кылынды, мөнәҗәтләр тыңланды.
Кичә бик матур узды, бай эчтәлекле һәм файдалы итеп оештырылган иде.
