27 декабрьдә Буа мәдрәсәсендә имамнар җыелышы булып узды. Җыелыш Буа имам-мөхтәсибе Илмир хәзрәт Хәсәнов, авыл имамнары һәм мөхтәсибнең урынбасарлары катнашуында үтте.
Имамнарга мөхтәсибәтнең эшчәнлеге турында ноябрь видеожурналын күрсәтү бәлән башланып китте.
Җыелышта имам-мөхтәсиб Илмир хәзрәт Хәсәнов 2018 елда шәһәр һәм авыл имамнарының мәчеттә эшләнгән эшләре белән танышты.
Хәзрәт үткән чараларның никадәр әһәмиятле булуы турында имамнарга аңлатты, мәчеттә барлык кәгазъ эшләре дә тәртиптә булсын диде. Аеруча имамнарның үзләренең дәрәҗәләрен югары тотып мәктәп, авыл советы белән тыгыз элемтәдә булуларын теләде.
Хәзрәтләр яңа айга намаз вакыты, мөхтәсибәт тарафыннан әзерләнгән Буа шәһәре мәчетләре сурәтләре төшерелгән 2019 елгы календарь алып, мәхәлләләренә таралдылар.
