24 апрель көнне яңа төзелеп килүче мәчетнең буралары өелеп бетте. Мари иленнән килүче балта осталары бик кызу эш алып бардылар. Аларның җитәкчесе – Илья Александрович Майоров, эш бетүгә, ике атнадан соң, эшләрен кабул итәргә Маридан үзе килде. Аңа 8 нче мәчет исеменнән рәхмәт хаты тапшырылды. Мәчетнең имам-хатыйбы Шамил хәзрәт Вәлиуллин бу зур эшләр барганда ярдәм күрсәткән һәркемгә олы рәхмәтен җиткерә. “Аллаһы меңе белән кайтарсын”, – дия. Алга таба мәчетнең түбәсен калай белән ябу көтелә.
