Чаллыда шәһәркүләм ифтар үтте
16 май 2019 ел 09:52
15 май көнне Чаллының «Аш-су» ресторанында шәһәрнең мөселман активы өчен шәһәркүләм ифтар мәҗлесе үткәрелде. 230 кешегә әзерләнгән мәҗлес затлы, зыялы, эчтәлекле булуы белән игътибарга лаек иде. Әлеге күркәм чара Чаллы мөхтәсибәте тарафыннан оештырылып, анда ТР мөселманнарының Диния нәзарәтеннән, күрше районнардан килгән кунаклар, шәһәр җитәкчелеге вәкилләре, имамнар, шәһәрнең мөселман активы җыелды. Чара вәгазь тыңлау белән башланып китте; имам-мөхтәсиб Әлфәс хәзрәт Гайфуллинның сәламләү сүзеннән соң мөфтинең беренче урынбасары Рөстәм хәзрәт Вәлиуллин да үтемле вәгазен җиткерде. Азан яңгырап, авыз ачканнан соң, ир-егетләр дә, хатын-кызлар да намаз укып алдылар. Бер табын артына күмәкләп җыелган кунаклар берсеннән-берсе тәмле ризыклар белән генә сыйланып калмыйча, рамазан ае фазыйләтләре, ураза саваплары, гомумкешелек кыйммәтләре турында затлы сүз тыңлап та хозурландылар.
Соңгы яңалыклар
Әбубәкер хәзрәт "Экстремизмга - юк!" айлыгы кысаларында вәгазь сөйләде.
11 сентябрь 2017 ел 10:05
Әлеге чара авыл халкы өчен оештырылды.
11 сентябрь 2017 ел 09:47
Вәгазьне Ирек хәзрәт Сәләхиев сөйләде.
11 сентябрь 2017 ел 09:16
Ык елгасы яр буенда учакта тәмле ризыклар әзерләнгән иде.
08 сентябрь 2017 ел 13:53
