7 июнь көнне Буа районы Яңа Суыксу авылында яшәүче Абдулла улы Харис хәзрәтнең 85 яшьлек юбилее булды. Яңа Суыксу мәчетенең дә - 25 еллык юбилее иде. Шул уңайдан мәчеттә зур мәҗлес булып узды. Мәҗлестә Буа районы имам-мөхтәсибе Илмир хәзрәт Хәсәнов Харис хәзрәтне мөфтиебез Камил хәзрәт Сәмигуллин исеменнән мөфтият медале белән бүләкләде, мөхтәсибәт исеменнән рәхмәт хаты һәм бүләк тапшырды. Фәһим хәзрәт Сөләйманов үзенең 1990 елларда Харис хәзрәт белән Суыксу һәм башка авылларда ислам динен җиткерү эшләрен алып барганнарын искә төшерде. Харис хәзрәткә һәм аның мәхәлләсенә Буа мөхтәсибәте уңышлар теләп кала.
