Бүген Әлки районы мөселман яшьләре арасында мини футбол ярышы булып узды. Катнашучыларны мөхтәсиб Ирек хәзрәт Сәләхиев, Әлки районы башлыгы урынбасары Билалов Рәшит Әбрар улы сәламләде. Ярыш башланыр алдыннан яшьләргә вәгазь сөйләнелде. Ярышта 4 команда (Актай, Өмет,Шәүкәт,Мидхәт) катнашты. Уен күтәренке рухта үтте. Ахырда җиңүчеләргә бүләкләр тапшырылды.
