22 сентябрь көнне Буа мөхтәсибәте Буа мәдрәсәсе шәкертләре белән берлектә халыктан җыелган гошер сәдакасын таратты. Бәрәңге, кишер, кабак Буа шәһәрендә яшәүче 25 аз керемле гаиләгә, әтисез яки әнисез калган, мохтаҗ гаиләләргә таратылды. Аларның йөзләре шатлыклы иде һәм рәхмәт сүзләре күп ишетелде. “Киләсе елга да мондый саваплы чараны оештырырбыз, иншә Аллаһ”, - ди мөхтәсибәтнең матбугат сәркатибе Шамил хәзрәт Вәлиуллин. Ислам динендә мохтаҗларга булышу хуплана. Ай буе Буа шәһәре авыл имамнарына, аеруча Апас, Кайбыч, Чүпрәле районнарына мәдрәсәбезгә оештырып гошер сәдакаларын алып килгәннәре өчен, Буа мөхтәсибәте олы рәхмәтен белдерә. Эшләгән әҗерләр бушка китмәс. Мул уңыш өчен Раббыбызга мең шөкерләр булсын. Әмин.
