Буа мөхтәсибәте һәм шәһәр мәчетләре берләшеп районыбызның картлар йортында яшәүче өлкәннәргә бүләк булсын диеп кышкы оекбашлар таратты. “Хаҗилар” мәчете имамы Фәһим хәзрәт Сөләйманов өлкәннәргә үзенең нәсыйхәтләрен җиткерде. Мөхтәсиб Илмир хәзрәт Хәсәнов исеменнән тәбрик сүзләрен әйтте. Үзәк мәчет имамы Рөстәм хәзрәт Хәйбуллин да өлкәннәрне котлап үтте. Фәнис әфәнде картларга һаман шөкер итеп яшәүне ассызыклап китте. Картлар йорты мөдире Рәзинә Рәисовна үзләренең оешмалары исеменнән Буа мөхтәсибәтенә рәхмәт сүзләрен җиткерде.
