9-нчы ноябрь көнне Буа районы Наратбаш авылында Мәүлид кичәсе булып узды. Кичәдә авыл халкы, Буа районыннан кунаклар катнашты. Авыл имамы Рөстәм хәзрәт Баһаутдинов вәгазь-нәсыйхәт белән башлап җибәрде. “Хаҗилар” мәчете имамы Фәһим хәзрәт Сөләйманов сөекле Пәйгамбәребез Мөхәммәд салләллаһу галәйһи вә сәлләмнең кешелек дөньясына әйтеп бетергесез зур йогынты ясаганы турында сөйләде. 8-нче мәчет имамы Шамил хәзрәт Вәлиуллин халыкны булганга шөкер итеп яшәргә, Коръәнгә, хәдисләргә таянып гамәл кылырга өндәде. Җыелган халык үзенең Мәүлед мөнәҗәтләрен башкарды. Мәҗлес бик күркәм үтте.
