20-нче ноябрь көнне Кайбыч авылы мәчетендә Мәүлид кичәсе булып үтте. Авылның имамы Назыйм хәзрәт Фәхретдинов килгән кунакларга, авыл халкына рәхмәтен җиткерде. Фәһим хәзрәт Сөләйманов Пәйгамбәребез салләллаһу галәйһи вә сәлләм турында нәсыйхәтләр сөйләде. Күл-Черкен авылы 2-нче мәхәллә имамы Рафил хәзрәт кайбычлыларга шәһәдәт кәлимәсе турында аңлатма бирде. Буа мөслимәләр рәисе Гөлирә абыстай Шәйдуллина үзенең нәсыйхәтендә гыйлем алырга, алган гыйлемне хәзерге буынга тапшырып калдылырга дигән фикерен җиткерде. Авыл мөгаллимәсе Мәүлед мөнәҗәтләрен башкарды. Очрашу мул табында дәвам итте.
