Ноябрьнең соңгы якшәмбесендә “Госман” мәчетендә Әниләр көненә багышланган чара булып узды. Чараны Буа мөслимәләр рәисе Гөлирә абыстай Шәйдуллина алып барды. Равия абыстай Коръән укып багышлады.
Әниләр темасына карата бик матур эчтәлекле вәгазь-нәсыйхәтен “Камилә” мәчете имамы Гомәр хәзрәт Шиһапов сөйләде. Мөхтәсибебез Илмир хәзрәт Хәсәновның тәбрик сүзләрен җиткерде. Мәчет хисапчысы Фәнис әфәнде Әниләр көне белән котлап китте. Хаҗилар мәчете абыстае Гөлсинә ханым эчтәлекле вәгазь сөйләде. Мәҗлескә Буа районыннан җыелган төрле абыстайлар Пәйгамбәребез ﷺ турында, Әниләр көненә багышлап үзләренең мөнәҗәтләрен, шигырьләрен башкардылар. Мәҗлес ахырында Гөлирә абыстай халыкка, шушы мәҗлесне оештыручы Нуруллиннар гаиләсенә, мәхәлләгә олы рәхмәтләрен җиткерде.
