12 декабрьдә Буа мәдрәсәсендә шөкер мәҗлесе булды. Әлеге чара Рәсәйкүләм олимпиадада катнашып мактаулы өченче урын алган III курс шәкерте Илшат Хөснетдинов хөрмәтенә уздырылды. Мәдрәсә мөдире Илмир хәзрәт Хәсәнов үз чыгышында шәкертләргә уңышлар теләп, киңәшләрен бирде. Җиңүчене олимпиадага әзерләгән Габдеррәүф хәзрәт Хисмәтуллинга мәдрәсә исеменнән рәхмәт хаты тапшырды. Уку елы башыннан алып укытылган фәннәр буенча тестларда җиңү яулаган шәкертләрне акчалата бүләкләде. Чара шәкертләрнең унышлары хөрмәтенә әзерләнгән мул табын белән тәмамланды.
