Бу көннәрдә Кызыл Байрак авылы имамы, Югары Ослан мөхтәсибәтенең Аксакаллар шурасы рәисе Тимур хәзрәт Ибраһимов Татарстан Республикасының җәмәгать эшлеклеләре берлегенең йомгаклау утырышында катнашты. Әлеге җыелышта хакимият вәкилләре, дәүләт хезмәткәрләре, массакүләм мәгълүмат чаралары һәм киң җәмәгатьчелек катнашты. 2019 елда Татарстан Республикасы җәмәгать эшлеклеләре берлеге чараларында актив катнашканы өчен Тимур хәзрәт Ибраһимов Татарстан Республикасы Спорт министрлыгының һәм әлеге иҗтимагый оешманың Мактау грамотасына лаек булды.
