Буа мөхтәсибәте вәкилләре матәм көнендә катнашты

18 ел элек 4-нче февральдә Буа эчке эшләр бүлегенең 7 хезмәткәре үзләренең хезмәт вазифаларын үтәгәндә фаҗигале рәвештә вафат була. Шул кайгылы вагыйганы искә алып, матәм көне булып үтте. Анда Буа районы башлыгы вазифаларын вакытлыча башкаручы Ранис Камартдинов, Буа полиция хезмәткәре Айрат Равилович, Буа мөхтәсибәте вәкиле, “Хаҗилар” мәчете имамы Фәһим хәзрәт Сөләйманов, вафат булучыларның әти-әниләре, гаиләләре, якыннары катнашты. Фәһим хәзрәт үзенең чыгышында: “Ислам дине сабырлыкка өнди”, – дип, халыкка сабыр булырга кирәклеген аңлатты, Коръән-Кәримнән аятьләр укыды. Җомга намазында бөтен хезмәткәрләрне искә алып, алар рухына догалар кылыначак.